Zbulimi i madh/ Ky shtet do të ofrojë testin që identifikon virusin për 90 minuta

Pandemia ka pushtuar botën tashmë prej 8 muajsh.

Lajme të ndryshme vinë dita-ditës për zbulimet që bëhen në lidhje me këtë virus.

Së fundmi, mësohet se Britania e Madhe do të prezantojë miliona teste që identifikojnë virusin për  90 minuta.

Ky zbulim vjen pas një sërë kritikash se nuk ka mjaftueshëm testime në shtëpitë e kujdesit për të moshuarit dhe fëmijët.

Javën e kaluar, një nga ofruesit më të mëdhenj të kujdesit në Britani, “CareUK”, deklaroi se qeveria nuk ka pasur mundësi të mbajë premtimin për të testuar në mënyrë të rregullt stafin dhe banorët në azile, pasi u zbuluan problem te kitet e testimit që po përdoren.

Kapaciteti do të rritet në spitale, azile dhe laboratore duke nisur nga java e ardhshme, deklaroi qeveria në nisje të Javës, duke premtuar 5.8 milionë teste të ADN-së dhe 450,000 teste nëpërmjet tamponave.  “fakti që këto teste mund të identifikojnë gripin si dhe Covid-19,  do të thotë se janë tejet përfituese ndërkohë që shkojmë drejt Dimrit”,- deklaroi ministri i Shëndetësisë, Matt Hancock.   Ai shtoi se Britania ndodhet drejt ofrimit të gjysmë milionë testeve në ditë deri në fund të Tetorit dhe se teknologji të reja mund ta përshpejtojnë këtë.