LIGJET E BIZNESIT
Kreu i Partisë Demokratike Lulzim Basha, i cili prek vitesh ka banuar në katet e fundit të një pallati pranë Liqenit Artificial, raportohet se është bërë pronar i një vile në Gjirin e Lalzit.
Vetëm pak muaj më parë qarkulloi lajmi se te “penthouse” pranë Liqenit Basha po bënte shtesë të paligjshme, më pas u tha se ishin riparime për dëmet që tërmeti i 26 nëntorit shkaktoi në këtë godinë.
Po gjatë këtij momenti Basha nisi të jetojë në një vilë super luksoze në “Long Hill” në periferi të Tiranës. Përmes reagimit zyrtar u tha se Basha e kishte marrë me qira këtë vilë për sa kohë po i rregullohej shtëpia në Tiranë.
Por së fundmi mediat raportojnë se Basha ka marrë një vilë pushimi në një kompleks luksoz në Gjirin e Lalzit. Cna.al thotë se Basha është parë shpesh te kjo vilë, që ndodhet afër asaj të presidentit Ilir Meta.
