“Dhe 95 milionë euro për koncesion”/ Mjekja lutje Ramës: Jep 30 mijë euro për ajër të kondicionuar në QSUT

Mjekja hematologe, Alma Cili ka bërë një lutje për kryeministrin Edi Rama. Ajo kërkon që të investojë 30 mijë euro për të vendosur ajër të kondicionuar në QSUT.

Mjekja ka treguar vëshitirësitë e stafit mjekësor, sidomos gjatë periudhës së verës.

Ndërkohë, Cili foli edhe për laboratorin e certifikuar rreth dy javë më parë për analizat e pandemisë.

Në një intervistë për gazetaren Beti Njuma, mjekja hematologe tregoi se në dijeninë e saj laboratori nuk është mbyllur, por është dhënë me koncesion privatit për 95 milionë eurosh.

“Unë nuk i kërkoj, unë i lutem të japë 30 mijë euro për të vendosur ajrin e kondicionuar. Dha 95 milion euro laboratorin me PPP, të japë dhe 30 mijë euro për vendosjen e kondicionerëve në QSUT. Në dijeninë time laboratori nuk është mbyllur, i ka kaluar privatit, unë shpresoj ata mjekë dhe të punësuar që janë aty të mos hidhen në rrugë”, u shpreh ajo.