Dita e sotme ka shënuar bilanc tragjik për numrin e jetëve të humbura në lumenjtë e vendit.
Katër persona humbën jetën, 2 në lumin Buna, 1 në lumin e Vjosës dhe një në lumin Drini i Zi.
Në ujërat e Bunës përfundoi një adoleshent, ku më pas edhe një kalimtar rasti. 39-vjeçari u fut në lumë për të shpëtuar të riun, por fatkeqësisht gjeti edhe ai vdekjen.
Babai i 4 fëmijëve po kthehej në shtëpi për të festuar festën e Kurban Bajramit, kur pa që adoleshenti po luftonte me jetën.
“Dhurimi ishte një mysliman i ri, nga një familje e nderuar në fshatin Belaj që po kthehej të lumturonte fëmijët e tij të vegjël me dhuratat e Bajramit, ndërsa djali që deshi të shpëtonte ishte nga një familje katolike nga Puka dhe kishte hyrë të freskohej në ujërat e Bunës”, shkruan gazetari nga Shkodra, Agron Hoxha.