TRAGJIKE/ Mbytet 30-vjeçari në Vjosë, polumbarët në kërkim të trupit

Një ngjarje tragjike ka ndodhur ditën e sotme në qytetin e Fierit, përgjatë  lumit të Vjosës.

Policia njofton se bëhët fjalë për shtetasine  identifikuar si Armando Begaj, nga fshati Gorishovë.  I riu u fut për t’u larë së bashku me dy shokë të tij.

Ndërsa ka kërkuar ndihmë, shokët kanë kujtuar se ai po tallej. Kur kanë parë që trupi po fundosej dhe e mori rrjedha e lumit, kanë kërkuar ndihmë, por nuk kanë mundur që ta shpëtojnë.

Begaj ishte i martuar dhe prind i një vajze.

Polumbarët janë në vendngjarje dhe po kërkojnë për trupin e pajetë të 30-vjeçarit.

Njoftimi i policisë:

Informacion paraprak

Sot rreth orës 13:40, në fshatin Selishtë, duke u larë në lumin Vjosë, është mbytur shtetasi A.B., 30 vjeç, banues në Gorishovë. Policia dhe polumbarët po punojnë për gjetjen e trupit të 30-vjeçarit.

Grupi hetimor po punon për zbardhjen e plotë të ngjarjes.