Live- Shembja e banesave te Bregu i Lumit, banorët me shkopinj dhe gurë përplasen me policinë

Projekti i Unazës së Madhe në kryeqytet është shoqëruar me përplasje të shumta mes banorëve të shtëpive që preken dhe punonjësve të IKMT-së.

Te zona e Bregut të Lumit në Tiranë ditën e sotme ka nisur aksioni për prishjen e banesave në sajë të Projektit të ‘Unazës së Re’. Në këtë projekt pritet të prishen 38 banesa dhe kjo kundërshtohet nga banorët, disa prej të cilëve kanë dalë në protestë dhe shumë të tjerë janë ngujuar në banesave.

Banorët janë duke bërë rezistencë, dhe duket se kushtet e motit, e bëjnë edhe më të vështirë situatën, për shkak se qytetarët janë gjetur të pa paralajmëruar.

Në mbështetje banorëve është edhe ish-deputeti i PD-së  Klevis Balliu. “Ju policia ikni, hajd t’u vijmë ne në shtëpitë tuaj, çfarë do të bëni ju? Ju duhet të na kuptoni.

7 shtëpitë e para ka afërisht një muaj që janë lajmëruar, ne nuk jemi lajmëruar. Ne kërkojmë dëmshpërblim për banesat tona”, u shpreh një tjetër banor.