Në rrjetin social Instagram ka nisur një sfidë me foto bardhezi, që u dedikohet grave.
Edhe Majlinda Bregu, Sekretare e Përgjithshme e Këshillit të Bashkëpunimit Rajonal, ka pranuar sfidën dhe ka postuar një foto të saj. Bregu ka dhënë një mesazh sensibilizues, vërtetë prekës.
Në shkrim, Bregu ka përfshirë të gjitha gratë, të shtëpisë, të zyrës, parlamentit dhe i ka quajtur ato heroina që i njohim dhe heroina pa zë.
“Për të gjitha ne gratë që kjo kohë na “përplasi” fytyrës déjá vu e punëve nga e para; që shtëpia na u kthye në fushëbetejë punësh e puna na ndjek kudo; për heroinat që i njohim e për ato pa zë që po i bëjnë ballë krizës më të frikshme; për gratë që edhe pa ndonjë përvojë jetësore lufte botërore, luftën e kanë t’përditshme;për ato që s’kanë fuqi,as dëshirë për hipokrizi marifete, kuota, dukje nderi që ta varin si perde apo mbyllje goje, si gjerdan floriri; për gratë që i kanë punët keq e sa keq për ato që s ‘kanë punë fare; për ato që shtëpinë e kanë vendin e dhunës e dhimbja i shkatërron e për ato që s’ kanë kohë të ndjejnë dhimbjen; për kë është mësuar të ndjehet fajtore pa ndonjë faj të përcaktuar, apo të vërë në dyshim veten para një shefi burrë fryrja e të cilit do ishte pa kuptim nëse s’gjen kujt t’i mburret; për mamat, gjyshet që s’ju duhet Master për të thënë të vërteta; për gratë e vajzat që bëjnë mirë të binden herët se VETJA vjen e para; për gratë që pa mbajtur njëra tjetrën s’kanë ku shkojn,” shkruan Bregu.