Deputeti i infektuar i drejtohet qytetarëve: Më falni, nuk flas dot në telefon

Ditën e sotme u bë publik lajmi se deputeti socialist Enver Roshi është infektuar me virusin.

Roshi e ka konfirmuar lajmin dhe falenderon të gjithë miqtë e të afërmit për interesimin, por që nuk mund t’u përgjigjet dot telefonatave të tyre.

Ndër të tjera, deputeti tregon se gjendja e tij shëndetësore është e qendrueshme dhe u bën apel qytetarëve të zbatojnë masat kundër pandemisë.

Postimi i plotë:

Në pamundësi të përgjigjeve të telefonatave të panumërta dhe të shqetësimit të drejtë dhe të sinqertë të të gjithë miqve dhe të afërmve të mi nga i gjithë vendi kërkoj mirëkuptimin vëllazëror të tyre që nuk mund të komunikoj nëpërmjet telefonit. Me sinqeritetin më të madh, porosia ime në këtë situatë është: “Cdo gjë është në dorë të qytetarëve”. Është detyra jonë të ruajmë veten dhe të tjerët, të ruajmë shëndetin tonë, njësoj si edhe shëndetin publik. Në këtë kuadër, masat e thëna dhe stërthëna, të na shërbejnë me përgjegjshmëri në këtë sakrificë njerëzore dhe qytetare për hir të shëndetit. “Ruaj veten dhe të tjerët”

Nderkohe ju njoftoj jam shume me parametrat normale!

Ju faleminderit nga zemra !!