SPAK është vënë në lëvizje duke firmosur kështu 22 urdhër-arreste në lidhje me dosjen 339, aq shumë të komentuar në drejtësinë shqiptare.
Aksioni është zhvilluar gjatë natës që sapo lamë pas në Tiranë dhe Durrës.
Pas kërkesës së bërë nga SPAK, urdhër-arrestet u dhanë me vendim të GJKKO.
Disa masa sipas informacioneve janë detyrim paraqitje dhe arrest shtëpie.
Mes të arrestuarve ka dhe zyrtarë të lartë, ndërkohë që ende nuk dihen detaje të tjera në lidhje me këtë operacion.
Të arrestuarit e mëparshëm të dosjes 339 janë në burg për shitblerjen e votave në Bashkinë e Durrësit në zgjedhjet parlamentare të 2017-ës si dhe për çështjen e laboratorit të drogës në Brenogë të Hasit.
Ata akuzohen për disa vepra penale, si “Trafikim i narkotikëve”, “Prodhimi dhe fabrikimi i lëndëve narkotike dhe psikotrope”, “Grup i strukturuar kriminal”, “Kryerja e veprave penale nga organizata kriminale dhe grupi i strukturuar kriminal”, “Pastrimi i produkteve të veprës penale”, në bashkëpunim etj.