Një vajzë 9-vjeçare ka humbur jetën si pasojë e virusit, në Florida SHBA.
Kimora “Kimmie” Lynum ka ndërruar jetë më 18 korrik në Putnam. Dejeon Cain, zëdhënësi i familjes së vajzës, ka treguar se ajo ishte e shëndetshme dhe nuk ka pasur kurrë problem me shëndetin.
“Ajo ishte gjithmonë e lumtur dhe na bënte të gjithëve të lumtur. Ishte fenomenale”, tha Cain.
Familja e vajzës ende nuk e dinë se ku dhe si është infektuar e mitura. Madje shtojnë se ajo dukej e shëndetshme dhe pothuajse tërë verën e ka kaluar në shtëpi duke mos shkuar në shkollë apo kampingje.
Mamaja e Kimmie ishte testuar dhe është në pritje të rezultatit. Ndërkohë, të dhënat mjekësorë nuk tregojnë se vajza kishte pasur kontakte me persona të infektuar.