“I është përkeqësuar gjendja”/ Reagon ish-deputeti i infektuar: Falenderoj Zotin dhe Ramën

Ish-deputeti socialist në zonën e Vlorës, Fatmir Toçi, është i infektuar nga pandemia prej disa ditësh.  Ai tregon hera-herës gjendjen e tij shëndetësore nëpërmjet statuseve në Facebook.

Në media u rapotua se gjendja e tij shëndetësore ishte përkeqësuar dhe ish-deputeti ndodhet te spitali Infektiv. Ndërkohë, Toçi vijon të mbetet aktiv në rrjete sociale.

Ish-deputeti ka shpërndarë një status të kryeministrit Edi Rama, duke e konsideruar njeriun më largpamës në vend.

Postimi i Toçit:

Sa gëzim i madh e që nuk shprehet me fjalë, ëndërra e shumë brezave në një shekull!

Falënderojmë Zotin atje Lart që ia mbushi mendjen njeriut më të gjatë e më largpamës këtu poshtë për të realizuar veprën që do t’i ndrrojē faqen dhe fatin e një krahine të tërë dhe gjithë Jugut të vendit.

Mirënjohje pa fund, Edi Rama!