Ditën e sotme është zhvilluar një aksion blic në Peqin nga forcat policore Shqiponja.
Mësohet se është arrestuar shtetasi F.Manehasa, i cili cilësohet si person me rrezikshmëri të lartë.
Dyshohet se Manehasa ka lidhje me ngjarje e fundit kriminale të ndodhur në Elbasan, ku mbeti i vdekur 39-vjeçari Emiljano Ramazani, i njohur si “Rrahmani”.
35-vjeçari është pronar i një pike që tregton automjete. Ai i ka bërë rezistencë policisë, por nuk ka zgjatur shumë dhe ka përfunduar në pranga.
Në automjetin e Manehasës u gjend një armë, që pas ekzaminimit nga ekspertët hetimorë do të mund të shihet nëse është përdorur në ndonjë nga ngjarjet e fundit kriminale.
Disa drejtues nga Policia e Shtetit janë nisur me urgjencë drejt Peqinit dhe Elbasanit.