Një rrëfim tronditës vjen së fundmi nga Valbona Haklaj Lalaj.
Prej 20 vitesh ajo punon si këngëtare në lokale natë, duke treguar dhe historinë e saj të jetës.
Valbona shprehet se është nënë e dy fëmijëve, dhe e vetme pas divorcit ka bërë dhe rolin e nënës dhe babait për ta.
“Më është dashur të luftoj që fëmija im të ketë veshjen, të ketë ushqimin, ti ketë të gjitha. Por nuk e ka pasur nënën pranë. Vështirësitë për një femër të vetme janë të shumta por kam mbijetuar me punën dhe profesionin që bëj si këngëtare dhe artiste që 20 vite.”, tha ajo për Ora Neës.
Pas përhapjes së koronavirusit dhe më pas mbylljes së lokaleve të natës, jetesa e saj u vështirësua së tepërmi derisa ajo tentoi të vetëflijohej.
“E mora këtë vendim të bëjë vetëflijim. Më vonë mendova se plagën më të madhe do t’ua lija fëmijëve të mi. Unë me këtë punë kam jetuar.”
37-vjeçarja sot është detyruar të fillojë punë në një market për të mos i shtrirë dorën askujt por apelon ndaj qeverisë për lehtësimin e masave ndaj Covidit.
“Sot kam nisur punën në market, shteti po na v.ret. Nuk po na jep një përgjigje. Pse vetëm ne?!”
Edhe pse është paragjykuar, Valbona shprehet se e adhuron profesionin e saj dhe se me atë punë rrit dy fëmijët 14 dhe 7 vjeç.