Ndalimi i muzikës pas orës 20:00/ Reagon këngëtari: Është turp të na dëgjojnë duke u ankuar

Qeveria vendosi të mbyllë klubet e natës dhe vendet me muzikë live pas orës 20:00, si një nga masat e marra për parandalimin e virusit.

Kjo sepse klubet e natës bëhen shkak për grumbullime massive të të rinjve, gjë që mund të përshpejtojë hapjen e virusit.

Shumë artistë e pronarë lokalesh kanë reaguar pas këtij vendimi dhe janë shprehur se pandemia i ka lënë pa punë e pa para.

Lidhur me këtë ka reaguar edhe këngëtari Ermal Fejzullahu. Sipas tij është turp që këngëtarët ankohenpër punë e për lekë, pasi në Shqipëri dhe Kosovë ka shumë njerëz të varfër.

“Kolegët e mi janë ligështuar sepse nuk kanë pasur shumë punë. Por përderisa në trojet e Kosovës dhe të Shqipërisë ka shumë të varfër, për ne është shumë turp të na dëgjojë kush duke u ankuar, duke thënë nuk kemi punë. Është turp prej Zotit, kështu që ne të bëjmë maksimumin tonë dhe t’i kënaqim ata njerëzit. Nuk kanë lidhje pazaret, nuk kanë lidhje lekët, është turpi i botës të flasin këngëtarët për lekë. Është turpi i botës, të betohem,”- tha Ermal Fejzullahu i ftuar në emisionin “Ora Verore”.

Kujtojmë që Ermal Fejzullahu dhuroi 100.000 euro për Shqipërinë, si ndihmë pas tërmetit të 26 nëntorit.