OFL ultimatum 4 ‘të fortëve’: Deklaroni pasurinë. Mes tyre një femër (EMRAT)

Ditën e sotme OFL u ka dërguar formularin për të deklaruar pasurinë 4 të dënuarve.

Mes tyre është dhe një femër, ndërkohë që ata kanë 48 orë kohë për të plotësuar të dhënat në mënyrë që të justifikojnë të ardhurat e tyre.

Mësohet se 4 shtetasit janë:

Erdi Oshafi, banues në Tiranë, i dënuar nga Gjykata e Rrethit Gjyqësor, për veprën penale “Vjedhja me dhunë”, kryer në bashkëpunim;

Gentian Elmazi, banues në Përmet, i dënuar për veprën penale “Kultivimi i bimëve narkotike”;

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Gjylystane Elmazi, banuese në Përmet, e dënuar për veprën penale “Kultivimi i bimëve narkotike”;

Selfo Skënduli, banues në Lazarat, Gjirokastër, i dënuar për veprën penale “Kultivimi i bimëve narkotike”.

NJOFTIMI ZYRTAR I POLICISE

OFL

Në zbatim të detyrave të përcaktuara në Aktin Normativ të datës 31 janar 2020, vijon pa ndërprerë Operacioni Forca e Ligjit.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

1. O., banues në Tiranë, i dënuar nga Gjykata e Rrethit Gjyqësor, për veprën penale “Vjedhja me dhunë”, kryer në bashkëpunim;
2. E., banues në Përmet, i dënuar për veprën penale “Kultivimi i bimëve narkotike”;

Gj. E., banuese në Përmet, e dënuar për veprën penale “Kultivimi i bimëve narkotike”;

1. S., banues në Lazarat, Gjirokastër, i dënuar për veprën penale “Kultivimi i bimëve narkotike”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.