Për kushtet në repartin infektiv në QSUT ka pasur gjithmonë akuza dhe debate të forta.
Por këtë herë ka dalë një skandal akoma dhe më i fortë, pasi bëhet fjalë për kushtet dhe mjetet me të cilët po luftohet pandemia e COVID-19.
Ministrja Ogerta Manastirliu, e cila në ditët e fundit po bën çmos që në mesin e qytetarëve të rritet frika ndaj COVID-19, këtë herë ka bërë „autogol“, pasi një foto e saj e publikuar në rrjetet sociale tregon se pacientët po e marrin serumin apo ilaçet me shishe plastike uji.
Në foton e publikuar nga Manastiruliu duket një shishe uji e kompanisë „Lajthiza“ që është përdorur për t’i dhënë serumin pacientit që po lufton me COVID-19.
Me një foto përtej gafës, ministrja ka nxjerrë zbuluar kushtet mjerane në këtë spital, ku janë sytë e gjithë shqiptarëve për përballimin me sukses të pandemisë.
Nisur nga kjo foto e nxjerrë nga Manastirliu, kuptohet më qartë, se përse nga infektivi në QSUT nuk ka dalë gjallë askush që është futur në intubim.