Mbledhja e Këshillit Politik, Opozita parlamentare konfirmon pjesëmarrjen me dy deputetë

Mbledhja e Këshillit Politik ditën e hënë do të zhvillohet edhe me pjesëmarrjen e përfaqësuesve të opozitës parlamentare.

Do të jenë Rudina Hajdari dhe Myslim Murrizi që do ulen në tryezë përballë Ramës, Gjiknurit, Bylykbashit, Bardhit dhe Petrit Vasilit.

Konfirmimi ka ardhur nga njëri prej grupeve opozitare në Parlament, Edmond Stojku, që njoftoi këtë lëvizje në facebook.

Postimi i plotë:

Dr. Edmond Stojku

Te nderuar miq!

Ju njoftoj se pas dakortesise se paleve te keshillit politik, si dhe miqve tane te nderuar nderkombetare, per proçesin e ndryshimeve kushtetuese, opozita parlamentare vendosi perfaqesimin e saj!

Ne emer te 28 deputeteve firmetare te tre grupeve parlamentare dhe te deputeteve te pavarur, me te te cilet kemi kerkuar ndryshimet kushtetuese per:

1-Sistemin zgjedhor

2-Listat e hapura,

3-Zbatimin e rekomandimeve te Osbe Odihrit per depolitizimim e komisionereve, pra per administrate zgjedhore publike.

Jemi dakortesuar qe Perfaqesuesit tane ne keshillin politik do te jene Z.Myslim Murrizi dhe si Kryetare e Komisionit te Integrimit Znj. Rudina Hajdari!