Situatë kritike në spitale, ja numri i personave që rrezikojnë jetën nga virusi

Situata e përballimit të pandemisë shkaktuar nga koronavirusi i ri vijon të jetë shumë kritike.

Në njoftimin e pak minutave më parë ministria theksoi se përveç 102 rasteve të reja dhe 4 personave që humbën jetën, situata mbetet e rëndë edhe për sa I përket të shtruarve në spitalet ku po kurohen personat me COVID-19.

“Në 24 orët e fundit, nuk e kanë fituar dot betejën me sëmundjen 4 qytetarë: Nje 43 vjeçar nga Kamza, pa semundje të tjera, i intubuar dhe në gjendje të rëndë prej disa ditësh nuk ka mundur të mbijetojë megjithe perpjekjet e mëdha të stafit mjekësor.

E kanë humbur betejën me virusin e rrezikshëm edhe një 60 vjeçar nga Shkodra, një 64 vjeçar nga Durrësi në Spitalin Infektiv dhe një 61 vjeçar nga Tirana në Spitalin ‘Shefqet Ndroqi’, me sëmundje bashkëshoqëruese”, thuhej në njoftimin e ministrisë.