Pamje të rëndë nga spitali Infektiv ka publikuar ministrja e Shëndetësisë, Ogerta Manastirliu. Në videon e publikuar nga ministrja shihen pacientë të cilët janë të shtruar te Infektivi pasi janë të infektuar nga virusi.
Ndërkaq, në video paraqitet situatë e tensionuar ku shfaqen dhe pacientë të intubuar duke rënkuar ndërkohë janë të pajisur me maska oksigjeni. Gjithashtu shihen dhe mjekët dhe infermierët të cilët vrapojnë për të dhënë ndihmën e tyre.
“O vdiqa, o moj nona ime”, dëgjohet zëri i një të moshuare.
Përkrah videos shkruhet: “SPITALI INFEKTIV PA KOMENT! Lutemi #VendoseniMaskën. Mos rrezikoni jetën tuaj dhe të njerëzve tuaj më të dashur”.
