Kryebashkiaku i Tiranës, Erion Veliaj ka pranuar se në kryeqytet do të ndërtohen kulla, por për të punësuar qytetarët. Veliaj shprehet se me rritjen e popullsisë është rritur edhe kërkesa për punësim.
Ndër të tjera, kryebashkiaku i ëshët përgjigjur akuzave, që thonë se ai favorizon oligarkët. Veliaj theksoi se është rritur 10 herë taksa ndaj oligarkëve duke përdorur shprehjen “Ia kam lujt fenë”.
“Kërkohen 4 mijë deri në 5 mijë apartamente në Tiranë, pasi është rritur numri i popullsisë me 25 mijë veta. Ne duam persona që kanë mbaruar në hotele me 5 yje, por nuk duam hotele me 5 yje. Në Tiranë po ndërtohet hoteli më i ri, ‘Swis Hotel Tirana”, ku po punojnë persona nga Maqedonia se është numër i kufizuar për ata që kanë aftësi pune të specializuar. Kundërshtia më e madhe që mund t’i bëhet një oligarku është t’i rrisësh taksat. Janë rritur taksat 10 herë për ata. Unë jam guximtar, por jo aq i marrë sa të kryej vetëvrasje me projektet e Bashës”, tha Veliaj në emisionin Protokoll.
