LIGJET E BIZNESIT
Ditën e sotme vendimi i papritur i ish-kreut të bandës së Vlorës Zani Çaushi për tu tërhequr nga kërkesa e tij për liri, habiti opinionin publik.
Ndërkonë në lidhje me këtë situatë ka folur edhe avokati i tij mbrojtës Arben Lera.
Ky i fundit deklaroi se gjithcka ishte e papritur, ndërsa kërkesa u bë bazuar në vitet e dënimit që ka kryer.
Sipas Lerës, bazuar në ligjin e vitit 2000, thuhet se me 25 vite burg mund të kërkohet lirimi me kusht.
Pala mbrojtëse e Zani Çaushit, bën me dije se klienti i tij ka të drejtën e paraqitjes së kërkesës së tij pasi ka qenë 31 vite në burg.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Nuk ishte e parashikuar nga ana ime, ishte një veprim që u mor në momentin e fundit. Në lidhje me tërheqjen e kërkesës, ka të bëjë me llogaritjet e viteve të burgimit. Normalisht veprimi i ligjit penal është në kohë, nëse Zani Çaushi është dënuar në vitin 2000 atëherë aplikohet ligji i atij viti dhe jo i vitit 2020. Që tregon se lirimi me kusht në vitin 2000 ka qenë me 25 vite.
Ka pasur një masë disiplinore dhe ka bërë ankim ndaj kësaj. Kanë patur një konflikt të vogël. Dosja e Zani Çaushit është komplekse sepse janë ndërthurur shumë faktorë.
Për sa i përket aspekteve ligjore doktrinës ligjore, çdo i dënuar me burgim të përjetshëm i dënuar përpara hyrjes në fuqi të ndryshimeve të Kodit Penal, në qoftëse kryejnë 25 vite dënim dhe përmbushin kërkesat specifike të ligjit kanë të drejtë të kërkojnë lirimin me kusht, pastaj vendos Gjykata. Zbatimi i ligjit të vjetër është detyrë e Gjykatës, janë të sanksionuara në ligj”, deklaroi avokati.
