LIGJET E BIZNESIT
Mëngjesin e sotëm Korça është gdhirë e blinduar nga forca të shumta policie.
Mësohet se ish-kreu i Bandës së Vlorës Zani Çaushi do të dalë sot në orën 11.00 në Gjykatën e Korcës për të kërkuar lirimin e me kusht.
Ai është dërguar aty nën masa të rrepta sigurie, duke bllokuar të gjithë trafikun pranë Gjykatës dhe duke shtuar numrin e efektivëve.
Zani Çaushi aktualisht po vuan dënimin në burgun e Drenovës.
Ai është dënuar me burg përjetë, mirëpo ka bërë kërkesë që të lirohet me kusht.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kujtojmë se Çaushi pretendon se tashmë është rehabilituar dhe dëshiron të nisë një jetë normale ku të kujdeset për fëmijët, madje dhe të punësohet.
“Jam rehabilituar, kam fëmijë të mitur dhe do të punësohem nëse më lirojnë”, ka thënë Zani Çaushi.
Ndërsa sot në seancën gjyqësore do të dëgjohen konkluzionet përfundimtare të prokurorisë dhe avokatit mbrojtës të ish-kreut të Bandës së Vlorës. Ndërkohë, pritet që Prokuroria e Korçës do të kundërshtojë kërkesën për lirimin e Zani Çaushit. Sipas organit të akuzës, Çaushi nuk plotëson kriteret ligjore për të përfituar lirimin me kusht, siç parashikon neni 64 dhe 65 i Kodit të Procedurës Penale.
