Mbi 65 mijë mjek, mësues e ushtarak përfitojnë rritje pagash nga 1 prilli

Ministrja e Financave dhe Ekonomisë, Anila Denaj u shpreh sot se, “punonjës të disa sektorëve të rëndësishëm do të përfitojnë rritje të qenësishme të nivelit të pagave të tyre”.

Kjo rritje, tha ajo, aplikohet duke filluar nga data 1 prill 2019.

Rritja e Pagave është bërë e ditur gjatë proçesit të miratimit të Buxhetit 2019. Ministrja ka treguar se nga kjo rritje pritet të përfitojnë mbi 65 mijë.

Sipas Denaj, nga kjo politikë do të përfitojnë:
· 36 mijë mësues të Arsimit Parashkollor, Arsimit Bazë, Arsimit të Mesëm të Përgjithshëm dhe atij Profesional do përfitojnë rritje të pagës prej 7 %;

· 4,650 mjekë dhe 13,765 infermierë dhe staf shëndetësor, një rritje prej 7 %;

· 6,800 ushtarakë të cilët përfitojnë një rritje mesatare të pagës mujore në masën 7 %;

· 3,560 punonjës të sistemit penitenciar(policia e burgjeve) të cilët përfitojnë një rritje mesatare të pagës mujore me 7%;

· 308 punonjës të përfaqësive diplomatike jashtë vendit të cilët përfitojnë një rritje të diferencuar të pagës mujore që shkon nga 7-20%.