Deputeti i Partisë Socialiste Ilir Beqja, i cili ka mbajtur më parë postin e ish-ministrit të Shëndetësisë, ka bërë sot një propozim të papritur nga Kuvendi.
Ai u shpreh se për shkak të trafikut që krijohet në fundjavë, duhen riparë pushimet e administratës që mos të ketë mbivendosje në gusht.
Gjithashtu ministri është shprehur duke dhënë një ide konkrete që të ketë më shumë pushime për këta punonjës, konkretisht që dy ose tre fundjava, të bëhen pushim dhe e premtja dhe e hëna.
“I kërkoj qeverisë që nga sot deri më 14 shtator kur fillon shkolla, janë dhe 9 javë, të mund të marrë në konsideratë që në dy ose tre fundjava ta bëjë ditë pushim edhe një të premte dhe një të hënë, për t’i dhënë mundësi që njerëzit të kenë mundësi për më shumë alternativa, të mos mbivendosemi të gjithë në gusht kur dhe cilësia e shërbimit bie, kështu të mund dhe të shlodhemi edhe të ndihmojmë ekonominë” deklaroi deputeti.
“Nëse nga sot për 9 javë, mund të shpallen tre fundjava, nga e premtja në të hënë pra janë 4 ditë pushimi, njerëzit mund të fillojnë që sot të programojnë punët e tyre dhe prenotimet”, u shpreh Beqja ndër të tjera nga Kuvendi.
