Duket se situata në Spitalin Infektiv vijon të jetë shqetësuese.
Të shtruar aty janë jo vetëm pacientë të infektuar me COVID19, por edhe personel mjekësor.
Mësohet se një tjetër mjek nga Puka është shtruar në ambjentet e këtij spitali, në gjendje të rëndë shëndetësore prej koronavirusit.
Deri tani nuk dihet nëse mjeku ka qenë i shtruar në Infektiv dhe gjendja e tij është rënduar apo është transferuar sot në ambientet e këtij spitali.
Vetëm pak ditë më parë ndërroi jetë mjeku Arian Pushi, i cili u bë i pari në rradhën e bluzave të bardha që koronavirusi i mori jetën në moshën 58-vjeçare.
