Vetëflijimi në Kombinat/ Stabilizohet gjendja shëndetësore e 34-vjeçares

Pasditen e djeshme u gjendën të vdekura nënë e bijë në banesën e tyre, ndërsa vajza tjetër në gjendje të rëndë shëndetësore.

Blerta Josifi, 34 vjeç është jashtë rrezikut për jetën dhe është transferuar menjëherë në shërbimin e urgjencës psikiatrike, ku gjendja e saj është e qetë.

Ngjarja e rëndë u shënua pasditen e djeshme (2 korrik) në Tiranë.

Nëna dhe vajza e saj 30 vjeçe janë gjetur të vdekura në banesë, ndërsa vajza tjetër 34 vjeçe është dërguar në gjendje të rëndë në spital.

Ka qenë vëllai i 56 vjeçares, shtetasi S.F i cili më datë 02.07.2020, ka njoftuar në Komisariatin e Policisë nr 6 se në rrugën “Hamdi Cenoimeri” se motra e tij nuk i përgjigjej në telefon dhe nuk i hapte derën e banesës.

Gruaja dhe dy vajzat e saj kishin tre ditë që nuk kishin komunikuar dhe kjo kishte nxitur vëllanë e 56-vjeçares të kërkonte ndihmë policisë.