Dita e sotme shënon 30 vjet nga 2 korriku i vitit 1990.
Kjo datë do të përkujtohet gjatë, pasi mijëra shqiptarë morën guximin dhe u futën në territorin e ambasadave të huaja që ishin atë kohë në Shqipëri.
Brenda pak ditëve në oborret e ambasadave të Gjermanisë, Francës, Italisë e të Greqisë, kishin ngritur “kampin e fushimit” rreth 5.000 refugjatë shqiptarë që kërkonin azil politik.
Shpresa e vetme e tyre ishte realizimi i një jete të mirë edhe pse nuk e dinin se si do të vinte fundi.
Kjo ditë cilësohet gjerësisht dhe si rënia e “Murit të Berlinit” në Tiranë.
Më pas do të vinin dhe zhvillime të tjera për të kulmuar në dhjetor të vitit 1990 me lëvizjen studentore dhe lejimin e pluralizmit politik.
