LAJM I FUNDIT/ Rama tërheq padinë ndaj Haradinaj

Kryeministri Edi Rama ka tërhequr zyrtarisht padinë ndaj kreut të Aleancës për Ardhmërinë e Kosovës, Ramush Haradinaj.

Kreu i qeverisë Rama deklaroi ditën e djeshme, pas takimeve politike në Kosovë, se e kishte njoftuar Haradinaj se do të tërhiqte padinë. Gjithashtu shtoi se do ta bënte këtë gjë publikisht.

Rama e ka paditur Haradinaj pasi pretendon se ky i fundit ka shpifur ndaj tij për deklaratat që ka dhënë në lidhje me temën e shkëmbimit të territorit.

Në këtë padi përmenden disa emisione të transmetuara, në të cilat Haradinaj ka folur për këtë temë dhe e ka akuzuar Edi Ramën, që së bashku me Presidentin e Kosovës Hashim Thaçin dhe Presidentin e Serbisë Aleksander Vuciq, kanë nisur idenë e shkëmbimit të territoreve ndërmjet Kosovës dhe Serbisë.

Lajmi në përditësim…