“Na sqaro, a ka qenë i dënuar Rama?” Manjani ka një thirrje për kryeprokurorin Çela

Ish-ministri i Shëndetësisë Ylli Manjani i është drejtuar së fundmi kryeprokurorit Olsian Cela, ku i kërkon që të sqarojë shqiptarët nëse kryeministri Edi Rama, ka qenë apo jo i dënuar, sic pretendon koleksionisti Gjergji Thimo.

Ditën e djeshme, i ftuar në programin e Adi Krastës, Thimo u shpreh se Rama ka qenë i dënuar në 1993 në Paris për vjedhje ikonash.

Ai shtoi se është i gatshëm ër përballet me drejtësinë për këtë fakt duke publikuar dhe numrin e dosjes përkatëse.

Kjo gjë ka sjellë menjëherë reagimin e Manjanit, i cili shkruan se ka një ligj që ka vepruar për persona të tjerë në politikë, që kanë qenë të dënuar dhe fshiheshin në politikë, dhe ky ligj duhet të veprojë edhe për kryeministrin, për sa u përket verifikimeve nëse ka qenë apo jo i ndaluar, arrestuar apo dënuar në Francë.

REAGIMI I PLOTE I YLLI MANJANIT

Gjergji Thimo pranon të burgoset për këtë fakt.

Jep një numër burgu në Francë që e lidh me Edi Ramën.

Insiston për këtë gjë!

A mundet që Prokurori i Përgjithshëm të sqarojë shqiptarët nëse Kryeministri i sotëm ka qenë apo jo i ndaluar, arrestuar apo dënuar në Francë?!

Ka një ligj që ka vepruar për persona të tjerë në politikë, që kanë qenë të dënuar dhe fshiheshin në politikë.

Pse nuk verifikohet Edi alias Edvin Rama?!! Nuk po kërkojmë të verifikojë Edi alias Mustafa Ramën… (te shëndeti nuk ndërhyjmë dot).

Kush më shumë se Ai duhet ti nënshtrohet verifikimeve ligjore?!

Publikut ja ka borxh Prokurori i Përgjithshëm një të sqarim mbi këtë denoncim konkret, me numër burgu madje.