“Nuk ju kushton asgjë” Dëgjoni thirrjen e fortë që ka kjo mjeke, vlen për të gjithë (VIDEO)

Pas shtimit të rasteve të reja me COVID19 në mënyrë të ndjeshme në vend që pas hapjes, edhe bluzat e bardha janë vënë në lëvizje si përpjekje për të ndërgjegjësuar qytetarët.

Së fundmi, mjekja Mira Kola e cila punon aktualisht në QSUT, ka një mesazh për të gjithë ku apelon që të mbahen maskat dhe të ruhet distancimi fizik.

“Ju ftoj të gjithëve së bashku të çelim ndjenjën e përgjegjësisë, ndjenjë që lidhet me zbatimin e masave ndaj këtij virusi që u bë ditë dhe muaj midis nesh.

Nuk ju kushton asgjë të mbani një maskë, nuk ju kushton asgjë të ruani distancimin fizik. Masa këto që në pamje të parë duken të thjeshta, por që shprehin një dashuri pa kufi për jetën, shprehin mirënjohje dhe përkushtim për gjithë stafin që punojnë me pacientët me COVID”, shprehet ajo.

Mesazhin e doktoreshës e ka publikuar ministrja e Shëndetësisë Ogerta Manastirliu.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ajo gjithashtu i bën thirrje qytetarëve që të dëgjojnë këtë mesazh dhe shton se së bashku me kujdes do ta mundim pandeminë e COVID19 përfundimisht.