Atentati ndaj biznesmenëve në Laç, arrestohet njëri nga autorët e dyshuar

Pas një operacioni policor të zhvilluar pak pas mesnate në zonën e  Astirit në Tiranë, policia ka mundur të vërë në pranga të shumëkërkuarin Ilir Xhepaj.

Ai njihej ndryshe edhe me emrin Ilir Lika dhe ishte shpallur në kërkim si i dyshuar për vrasjen e Bujar Likës dhe Paulin Gjergjit më 30 maj 2020 në Laç.

Rreth orës 00.30 shërbimet e Komisariatit të Policisë Kurbin në bashkëpunim me shërbimet e FLO Tiranë bënë të mundur kapja e Ilir Xhepajt.

Xhepaj kishte më pak se tre muaj që ishte liruar nga burgu për grabitje, dhe jetonte mes Tiranës, Laçit dhe Kurbinit. Ai tashmë ndodhet ne dhomat e shoqërimit për veprime te mëtejshme.