LIGJET E BIZNESIT
Një vendim i papritur ishte sot ai i GJKKO për ish-ministrin e Brendshëm Saimir Tahirin, të cilin e riktheu në pikën zero të gjykimit të tij.
Menjëherë ish-numri një i rendit ka mbajtur një prononcim të shkurtër përpara kamerave duke deklaruar se ka bërë gabimet e tij në politikën shqiptare por asnjëherë nuk mund të quhet me faj.
Ai është shprehur se do të vijojë deri në fund betejën e tij ligjore dhe se nuk do të pranojë gjykimin e shkurtuar.
Pyetje nga gazetarët: Kush po ju sulmon?
Tahiri: Nëse ka një të dytë si unë më vjen ndot dhe turp nga drejtësia shqiptare. S’kam asnjë emocion përveçse për të shkuar para. Një gjë është e sigurtë sepse beteja fillon nga e para. Gjykata tha se Prokuroria nuk i ka zbatuar kërkesat e ligjit për ushtrimin e të drejtës penale. Dua të shoh vendimin. Është e qartë se një zvarritje e tillë është padrejtësi.
Pyetje: Pse iu zvarritet gjyqi?
Tahiri: Duhet të shoh vendimin. Si ministër i Brendshëm dërgoja çdo 2 javë shkresë tek Presidenti që gjyqtarë dhe prokurorë sipas drejtuesve të Policisë shkelnin ligjin. E bëja publikisht dhe jo nën rrogoz. Nuk kam bërë kompromis, nëse po më kthehet mbrapsht unë sërish do të jem. S’kam asnjë opinion për SPAK, mua më intereson drejtësia. Kam bërë gabime por u jap të drejtë të gjithë atyre që më paragjykojnë. Ju garantoj nuk kam bërë asnjë faj. Kam kusuret e mia në politikë por kurrë nuk kam bërë faj.
