LIGJET E BIZNESIT
Pas lajmit se Gjykata Speciale ka ngritur akuza për vrasje dhe krime kundër njerëzimit për presidentin e Kosovës Hashim Thaci dhe ish-kryetarit të Kuvendit Kadri Veseli, ka ardhur dhe reagimi i Ilir Metës.
Në konferencën e sotme përballë gazetarëve të cilën tashmë e zhvillon cdo javë, Kreu i Shtetit ka dhënë komentin për këtë ‘sfidë’, siç e quan ai.
Ai ka thënë se e gjitha do të përballohet me shumë dinjitet dhe përgjegjshmëri nga të dy, duke shtuar se megjithatë nuk është hera e parë që ka aktakuza ndaj udhëheqësve të Kosovës.
Sipas Presidentit, Serbia, “pala që shkaktoi luftën e dhunën, e ka kthyer në strategji njollosjen e UÇK dhe dëmtimin e Kosovës”.
“Zhvillim mjaft sfidant, i cili absolutisht që jam i sigurt do të përballohet me shumë urtësi, unitet por edhe largpamësi nga jo vetëm këto dy personalitete, edhe nga presidenti i Kosovës, që ka qenë udhëheqësi kryesor i UÇK por edhe nga Veseli e mbi të gjithë duke vlerësuar se nuk është sfidë e tyre në planin individual apo institucional, do të përballohet me shumë dinjitet dhe përgjegjshmëri jashtë kalkulimeve afatshkurtra nga gjithë klasa politike në Kosovë.
Nuk është hera e parë që ndaj udhëheqësve kemi aktakuza, pala që shkaktoi luftën e dhunë, gjenocidin e që ishte edhe përgjegjëse për krijimin e UÇK si e vetmja rrugë për të fituar lirinë e dinjitetit njerëzor, e ka kthyer në një strategji të sajën njollosjen e UÇK por jo vetëm kaq, por edhe dëmtimin e funksionimit të shtetit të Kosovës pavarësia e të cilit është njohur prej shumë kohësh por edhe njëkohësisht ka treguar që është faktor stabiliteti për rajonin, shpreh solidaritetin tim edhe si president i republikës por edhe si mik e shok, për ta dhe jam i sigurt që ata do ta përballojnë me mjaft dinjitet e përgjegjësi duke konfirmuar drejtësinë e luftës së UÇK por edhe për të rrëzuar këtë strategji tepër të gabuar e provokative që tenton të mbajë peng rajonit e të minojë integrimin euroatlantik”, deklaroi Meta gjatë fjalës së tij.
