LIGJET E BIZNESIT
Vijojnë të dalin detaje të reja nga atentati që tronditi Tiranën mbrëmjen e 11 qershorit.
Si pasojë e të shtënave që erdhën ne drejtim të makinës së tij në zonën e “Komunës së Parisit” mbeti i vrarë 40-vjeçari Hekuran Billa.
Por mesa duket policia po shkon drejt zbardhjes së ngjarjes.
Ditën e sotme ka rënë në pranga një vajzë 26 vjeçare e identifikuar si Adiola Lakra, e cila dyshohet se ka bashkëpunuar në krim.
Mësohet se e reja ishte prej dy vitesh ishte në një lidhje dashurie me Hekuran Billën.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sipas burimeve ajo është nxitur nga Viktor Marku dhe Sebastiano Mali që të nxjerrë në pritë partnerin e saj.
Viktor Marku dhe Sebastiano Mali e kanë ndjekur prej shumë kohësh Billën, ndërsa kanë mësuar se ai shoqërohej me Adiola Lakrën, të cilën kanë filluar ta ndjekin më vonë.
Sipas burimeve, ata kanë rënë edhe në kontakt të drejtpërdrejtë me 26 vjeçaren, ndërsa nuk dihet se me çfarë e kanë kërcënuar, duke e detyruar të telefonojë të dashurin dhe ta nxjerrë në pritë.
Policia ka zbuluar nga tabulatet telefonike se 26 vjeçarja ishte edhe telefonata e fundit e viktimës, i cili kishte shkuar për ta takuar, aty ku Adjola Lakra i kishte lënë vendin e takimit.
Por Hekuran Billa nuk e takoi dot kurrë të dashurën, pasi në afërsi të qendrës “Kristal” u ndesh me Viktor Markun, i cili me një automatik me silenciator zbrazi karikatorin mbi të, duke e lënë të vdekur në vend.
Nga tabulatet telefonike policia ka zuluar edhe bisedat e tjera, që nxjerrin 26 vjeçaren si bashkëpunëtore në vrasjen e 40 vjeçarit Billa, duke çuar edhe në arrestimin e saj nga policia.
