Arrihet marrëveshja/ Gjiknuri: Teksti për 2-3 ditë do dërgohet në Kuvend

Në përfundim të mbledhjes së Këshillit Politik janë plotësuar kërkesat e opozitës për amendimet e Kodit Zgjedhor. Këtë ka bërë me dije  deputeti socialist, Damian Gjiknuri.

Gjiknuri u shpreh se është punuar që ligji zgjedhor të reflektojë shqetësimet, frikërat apo edhe të kaluarën e afërt të opozitës, në këtë mënyrë partitë hyjnë në zgjedhje me një ligj të mirë pranuar.

Reagimi i Gjiknurit:

Përfunduam punën për amendimet e Kodit Zgjedhor ku gjetëm dakordësi për të gjitha pikat e mbetura. Plotësuam kërkesat e opozitës, për ato garanci që kanë ekzistuar te ligji aktual, pavarësisht se disa nga standardet e ODHIR kërkonin ndryshime. Për ne është më e rëndësishme që ligji zgjedhor të reflektojë shqetësimet, frikërat apo edhe të kaluarën e afërt të opozitës në mënyrë që të hyjmë në zgjedhje me një ligj të gjithë pranuar.

Nga ana tjetër ekspertët morën detyrë që ta zbardhnin këtë tekst dhe për dy-tre ditë teksti do ti dërgohet Kuvendit. Kemi rënë dakord që për ligjin e ri zgjedhor që do të impelmentohet pas zgjedhjeve vendore të radhës që hyjnë në fuqi pasi kalojnë dy palë zgjedhje menduam që të çojmë një pjesë të dytë të legjislacionit shumë shpejt në Kuvend.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern