Zgjedhorja/ Arrihet marrëveshja për KQZ, mazhoranca bie dakord me propozimin e opozitës

Këshillit Politik ka pranuar propozimin e opozitës për zgjedhjen e anëtarëve të Komisionit Qëndror të Zgjedhjeve.

Partia Demokratike ka kërkuar që komisioni të mos jetë i përbërë nga deputetë dhe përzgjedhja e 12 anëtarëve të KQZ-së të bëhet nga Kuvendi.

Mësohet se përfaqësuesi i mazhoransës, Damian Gjiknuri ka pranuar këtë formulë të re të opozitës. Kjo ishte çështja më e nxehtë, që ndante palët, që prej arritjes së marrëveshjes për Zgjedhoren, në Rezidencën Amerikane.

Tanimë, pritet që ekspertët e partive të detajojnë marrëveshjen e arritur dhe disa çështje të tjera teknike për të hartuar më pas draftin përfundimtar të Reformës Zgjedhore.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern