Pandemia ‘zapton’ dhe Shkodrën. Dalin 10 raste të reja, 3 janë punonjëse në Gjykatë

Në  24 orët e fundit janë zbuluar 10 raste të reja me koronavirus në Shkodër.

Mësohet se 3 prej tyre janë punonjëse në Gjykatën e Apelit.

Dyshohet se ato e kanë marrë virusin nga një kolege e cila kishte dalë pozitive 4 ditë më parë.

Rastet e tjera deri më tani dyshohet se janë familjarë dhe kontakte të rasteve të mëparshme. Prej ditësh koronavirusi është shtrirë në institucionet shtetërore, si dhe në kompanitë që operojnë me shumë punëtorë dhe që janë kryesisht fasoneri.