Shkatërrohet organizata e trafikut të kokai*ës, arrestohen 6 shqiptarë

Një oragnizatë kriminale është goditur së fundmi nga policia greke. Ajo vepronte në zonën Ilio, “Shën Petersburg”, N. Ionia dhe Trikala, Thesalia të Athinës.

Në praanga kanë përfunduar 14 anëtarët e kësaj organizate, tetë janë grekë dhe gjashtë shqiptarë. Pjesa tjetër është ende në kërkim.

Hetuesit grekë kanë zbuluar se anëtarët e grupit kriminal trafikonin sasi të konsiderueshmë kokaine dhe kanabisi. Ndër të tjera është zbuluar edhe struktura hierarkike e anëtarëve të rrjetit.

Policia ka sekuestruar mbi 1 kg kokainë, mbi 4 kg kanabis, si dhe 8 makina, pesë motoçikleta, katër peshore elektronike dhe një shumë prej rreth 36 mijë euro, gjatë kërkimeve të kryera në shtëpi dhe objekte të ruajtjes së drogës, si dhe në automjetet e të arrestuarve.

Të sekuestruara janë edhe një pistoletë, dy thika, 21 telefona dhe shumë pajisje të tjera.