A do të nisë nesër transporti publik? Ja çfarë kanë vendosur operatorët

Unioni i Operatoreve të Transportit Publik deklaron se nuk do të fillojë punën. Ky Union ka reaguar nëpërmjet një deklarate për shtyp, pas njoftimit të ministres së Shëndetësisë, Ogerta Manastirliu, për heqjen e të gjitha kufizimeve për transportin publik.

“Bazuar në fjalimin e fundit të Ministres së Shëndetësisë dhe Mbrojtjes Sociale po Ju bëjmë me dije se Unioni i Operatoreve të Transportit Publik nuk mundet të rifilloi shërbimin për sa kohë nuk është plotësuar asnjë nga pikat e kërkuara. Me anë të kësaj deklarate përgënjeshtrojmë Ministren e Shëndetësisë, e cila tha: “Hiqen kufizimet për transportin publik”. Për sa kohë është në fuqi Urdhri i Ministres së Energjisë dhe Infrastrukturës Nr.169 dt.5/6/2020 operatorët e transportit publik nuk e kanë të mundur të përballojnë kostot e respektimit të këtij protokolli, si financiare ashtu edhe ligjore”, theksohet në njoftimin e Unionit të Operatorëve të Transportit Publik.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern