LIGJET E BIZNESIT
Kryeministri Edi Rama ka zhvilluar një mbledhje drejtpërdrejt me Këshillin Koordinues të Diasporës, ku ka diskutuar edhe mundësinë e votimit të emigrantëve. Kreu i qeverisë tha se kjo është një nga objektivat dhe angazhimet e qeverisë, por që nuk është process i lehtë për t’u realizuar.
Rama dha si opsion votimin me postë, por u shpreh se është process që kërkon kohë. Gjithashtu po shikon mundësinë e një projekti pilot elektronik.
“Ulja në tryezë për këtë reformë është bërë me vonesë. Në kushte specifike. Ministri është marrë për një kohë të gjatë me studimin dhe analizën e metodave për votimin nga jashtë. Por për arsye të konfliktit politik, e kemi përjashtuaar votimin nëpër konsulata e ambasada. Edhe pse mund të ishte plotësisht i realizueshëm. Por ka raste që qytetarët nuk e kanë në distancë të afër ambasadën apo konsulatën, njësoj si të vinin vetë në Shqipëri. Por ne i kemi lënë si të vetme mundësi votimin me postë. Por ky është një proces që kërkon kohë. Nuk kemi humbur kohë nga pikpamja e kuadrit ligjor dhe infrastrukturës. Opozita në parlament e ka këtë kërkesë shumë instituese, ne e kemi një objektiv, angazhim politik të programuar. Jemi duke punuar për një opsion elektronik për t’u regjistruar, jo për të votuar. Jemi ende herët sot që të themi me siguri që jemi në kushtet që mund të realizohet. Sidoqoftë, kam besim se si në një mënyrë edhe një tjetër, ose me anë të një projekti pilot, mund të realizohet së shpejti”, tha Rama.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
