Prej gjashtë muajsh tashmë pandemia e COVID19 është kthyer në një nga temat më të diskutuara në mbarë botën.
Por pavarësisht se pjesa më e madhe e globit deri më tani duket se e ka hedhur pas krahëve këtë virus, ata i tremben një vale të dytë.
Më shumë ekziston frika e rikthimit të virusit në vjeshtë.
Ndërkohë, virologu i njohur Bruce Beutler, i cili ka fituar në 2011 Cmimin Nobel për Mjekësinë është shprehur se nuk do të ketë një valë të dytë të koronavirusit.
“Në shumicën e vendeve europiane dhe Shtetet e Bashkuara, duket se shkalla e rasteve të reja dhe shkalla e vdekshmërisë janë gradualisht duke u zvogëluar, edhe pse njerëzit i janë kanë filluar të dalin nga izolimi, i janë rikthyer aktiviteteve të prodhimit e tregtisë dhe po bashkëveprojnë më shumë me njëri tjetrin. Së bashku me bllokimet, ndryshimet në sjellje, të tilla si distanca sociale dhe përdorimi i maskave, duket se kanë pasur efekte mbrojtëse”, tha virologu.
Sipas tij, edhe popullsia nuk është më aq e ndjeshme sa në fillim, po ai bën apel që të mos ulet vigjilenca. Edhe pse mund të duket sikur virusi është zhdukur, nuk është aspak kështu.
E vetmja mënyrë për ta mposhtur përfundimisht, sipas Beutler është vaksina. Sipas fituesit të çmimit Nobel, një vaksinë kundër COVID-19 nuk do të jetë në dispozicion para vitit 2021 “dhe deri atëherë duhet të jemi të kujdesshëm dhe të mos lirojmë masat e kontrollit”.
