LIGJET E BIZNESIT
Viktor Marku është personi që akuzohet si autor i vrasjes së Hekuran Billës, 40-vjecari që u ekzekutua më 11 qershor në zonën e “Komunës së Parisit” në Tiranë.
Ndërkohë Marku doli sot para trupit gjykues për t’ju caktuar dhe masa e arrestit.
Por gjykata ka vendosur të shtyjë seancën, pasi Prokuroria nuk kishte paraqitur urdhërin e ndalimit për të.
Nga ana tjetër avokati i Viktor Markut ka mohuar që klienti të ketë lidhje me ngjarjen, duke pretenduar se ditën e vrasjes ai ndodhej jashtë vendit.
Në fakt, sipas sistemit TIMS, Marku rezulton të ketë dalë nga Shqipëria nga pika e Muriqanit për në drejtim të Malit të Zi, në 19 janar 2020.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Por ka një dëshmi që e ‘fundos’ Viktor Markun.
Bëhet fjalë për një person i cili shprehet: Viktor Marku gjatë ketyre muajve ka qënë në Shkodër pasi mori me qira në biznesin e tij një makinë “Smart””.
Shkodrani shton se makinën Marku ia la nipit të tij, Sbastian Mali, i cili ndodhet në qeli për pot ë njëjtën ngjarje, me akuzën e bashkëpunëtorit.
Në funksion të dosjes hetimore mësohet se janë analizuar pamjet nga 38 kamera sigurie pranë zonës. Organi i akuzës ka dyshime se Viktor Marku shfaqet në një moment në kamera teksa zbret nga makina smart marrë me qira dhe ngjitet në automjetin “Mercedez Benz” i vjedhur në Shkodër që u përdor në atentat.
Prokuroria thotë se në makinë është ngjitur dhe një person i dytë.
I arrestuari Viktor Marku është vëllai i Prel Markut, që u vra nga Hekuran Billa në Angli në tetor të vitit 2006, ngjarje për të cilën Billa u dënua me burgim të përjetshëm nga gjykatat britanike dënim i konvertuar me 25 vite sipas legjislacionit shqiptar.
