Ka nisur sot seanca gjyqësore për Viktor Markun, njeriu që akuzohet për vrasjen e Hekuran Billës disa ditë më parë, në zonën e “Komunës së Parisit”.
Ndërkohë ai është shfaqur në sallë me fytyrë të mbuluar nga maska anti-COVID19, teksa përshëndet me dorë nga kamerat.
Marku është në pritje tashmë të masës së sigurisë që do të caktojë gjykata.
Fillimisht ai është arrestuar nga policia malazeze pranë Podgoricës dhe më pas iu dorëzua autoriteteve shqiptare.
Kujtojmë që krimi ku iu mor jeta Hekuran Billës tronditi Tiranën më 11 qershor.
Dyshohet se vrasja ndodhi për hakmarrje, pasi në 2006 Hekuran Billa vrau në Londër vëllain e Viktor Markut, Prel Marku.
