E rëndë/ Përdhunuan 20 vjeçaren me aftësi të kufizuara, policia arreston 2 vëllezër

Një ngjarje e rëndë ka ndodhur  së fundmi në fshatin Lojmë të Kukësit.

Mësohet se dy vëllezër kanë rënë në pranga, pasi dyshohet se kanë abuzuar seksualisht me një vajzë 20-vjeçare kosovare, me aftësi të kufizuara.

Të arrestuarit janë shtetasit me iniciale Xh.H. 31 vjeç si dhe M.H. 24 vjeç (vëllezër).

“Specialistët për Hetimin e Krimeve në Komisariatin e Policisë Kukës bënë arrestimin e dy shtetasve, Xh. H., 31 vjeç dhe M. H., 24 vjeç (vëllezër), banues në  fshatin Lojme, Kukës.

Arrestimi i tyre u bë pasi dyshohet se kanë kryer marrëdhënie seksuale me një shtetase kosovare, 20 vjeçe, duke përfituar nga pazotësia fizike dhe mendore e saj.

Materialet në ngarkim të shtetasve XH. H. dhe M. H. i kaluan Prokurorisë pranë Gjykatës së Shkallës së Parë Kukës, për veprën penale “Marrëdhënie seksuale ose homoseksuale me persona të pazotë për t’u mbrojtur”.-thuhet në njoftimin zyrtar të policisë.