Historike/ Del rezultati: Shqiptarët e bashkuar në Serbi marrin 4 deputetë, Vuçiç fiton zgjedhjet

Ditën e sotme u mbajtën zgjedhjet parlamentarë ne Serbi.

Duket se partia e presidentit Aleksandër Vuçiç ka shënuar një fitore absolute.

Sipas mediave vendase dhe rezultateve të para zyrtare Partia Përparimtare Serbe (SNS) e Vuçiqit ka fituar 62,5 % të votave. E dyta ka dalë Partia e Socialiste e Serbisë (SPS) e ministrit të jashtëm Ivica Daçiç me 10,7 %.

B92 raporton se duke iu referuar këtyre rezultateve, në Kuvendin e Serbisë SNS e Vuçiqit do të ketë 180 deputetë, ndërsa Daçiçi 30 deputetë

Sipas rezultateve preliminare zyrtare, koalicioni shqiptarë Alternativa Demokratike Shqiptare – Lugina e Bashkuar ka marrë 7,39 % të votave dhe do të ketë katër deputetë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kujtojmë se këtë të dielë në Serbi veç zgjedhjeve parlamentare, janë mbajtur edhe zgjedhjet për Kuvendin e Krahinës së Vojvodinës si dhe zgjedhje në një numër komunash.

Pas rezultateve të para, fitoren e ka festuar Vuçiçi, duke thënë se partia e tij ka marrë më shumë se dy milionë vota.

“Në politikë jam qe një kohë të gjatë, por kurrë nuk e kam përjetuar një moment të tillë. Sonte kam fituar besim të madh nga populli në kushte kur pak njerëz kanë besuar. Morëm një paralajmërim të madh nga njerëzit se duhet të jemi më të përgjegjshëm, të kujdesshëm dhe të zellshëm”, deklaroi ai.