LIGJET E BIZNESIT
Mbrëmjen e djeshme ndodhi një atentat në Bulqizë, ku u qëllua drejt biznesmenit Gëzim Balla.
I dyshuari kryesor i ngjarjes është shtetasi Feruzan Shehu. Ai tregon për News 24 se nuk ka konflikt me Ballën, por tregoi se një ditë biznesmeni i kishte prëmtuar se do ti jepte lekë, nëse do të merrte ndonjë tender.
Pasi kishte mësuar që biznesmeni kishte marrë tenderin e rrugës Fushë-Bulqizë i kishte telefonuar, por Balla e kishte ofenduar. Më pas ofendimet kishin vazhduar nga të dyja palët.
Sipas Shehut, kur kishte shkuar për ta takuar kishte parë që po vinte me policë dhe ata kishin qëlluar të parët në drejtim të tij.
“Quhem Feruzan Shehu nga Bulqiza. Arsyeja që më akuzojnë për gjobvënie dhe kanosje me armë nuk janë të vërteta, dhe që i kam vënë gjobë Gëzim Ballës. Dua drejtësi. Asnjëlloj gjëje, thjesht kam pirë rrallë kafe me të. Ishim duke pirë kafe, dhe më tha merresh me ndonjë gjë, jo i thash nuk merrem. Mirë më tha të ndihmoj unë kur të marr ndonjë tender. Ishim duke pirë kafe këtu në qendër. Momentin kur dëgjova që kishte marrë tenderin, e mora në telefon, ai më ofendoi, unë ofendo, ai më ofendoi. Ato janë manipulime të kryebashkiakut të Bulqizës, Lefter Allës dhe komisariatit. Të hapin bisedat që kam bërë me Gëzim Ballën. Ka qenë manipulimi i kryebashkiakut të Bashkisë dhe jo me Gëzim Ballën. Unë s’kam pasur armë. Më kanë gjuajtur policët. I thashë ku je, që të ngatërroheshin me grushta. Ai erdhi me policët që rrinë tapë gjithë ditën duke pirë. Konfliktin e kam me kryetari i Bashkisë dhe jo me Gëzim Ballën. I kanë çuar policët nënës time dhe i kanë thënë që unë t’i kërkoj falje Lefter Allës ose do shkoj në burg. Manipulime që të më ekzekutojnë mua që ai tjetri të punojë në galerinë time. Arsyeja është se në komisariatin e Bulqizës e komandon Alla. Unë jam në kërkim prej shtator të 2019 jam në kërkim. Policët qëlluan në drejtimin tim. Jam në kërkim prej shtatorit, kam pas bërë një ngatërresë me disa çuna për dhunë me grushta dhe ma quajtën dhunë me dashje. Nuk e kam me Gëzim Ballën”,– tha Feruzan Shehu.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
