“Situata është shqetësuese”/ Pipero: Nuk prisnim kaq të shtruar

Mjeku infeksionist, Pëllumb Pipero deklaroi një të vërtetë që na shqetëson të gjithëve. Pipero u shpreh se situate është shumë shqetësuese, pasi është rritur numri i infeksioneve të reja, numri i shtrimeve dhe i pacientëve në gjendje të rëndë.

I ftuar në emisionin Kjo Javë, Pipero u shpreh se çelësi i suksesit është distancimi dhe masat e duhura.

Pipero bëri apel që maskat të përdoren edhe nga personat e shëndetshëm që nuk kanë mënyrë t’i shmangen distancimit, si dhe kur shkojnë në spitale apo vende me popullaritet.

Përsa i përket dorezave, Pipero tha se ato në një masë të gjerë nuk janë të nevojshme.

Deklarata e Pëllumb Piperos:

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Situata ka disa indikatorë, në aspektin e numrave është shqetësuese, sepse kemi shtim të numrave pozitivë, të të shtruarve në spital dhe të pacientëve në gjendje të rëndë. Prisnim që të kishim numër të shtuar infektimesh, por jo kaq shumë të shtruar në spital. Krahas hapjes, numrat pozitivë do të shtoheshin, por nuk prisnin të shtoheshin numrat e shtruar në spital. Është shumë e rëndësishme t’i kujtojmë qytetarëve që virusi nuk ka ikur, por vazhdon të jetojë mes nesh. Çelësi i suksesit është distanca dhe maska.

Asnjëherë asnjë nga ne s’ka thënë që maska nuk duhet, unë kam thënë që të mos përdoret nëpër rrugë, por ta ruajmë për mjedise të mbyllura, kur nuk ruajmë dot distancën, kur shkojmë në spital. Shumë vende e kanë bërë me detyrim për të të krijuar një refleks që ta mbash me vete e ta vësh, jo ta mbash në xhep. Në rrugë nuk transmetohet virusi. Dorezat nuk duhen, pasi ato janë të papastra, nuk të mbrojnë. Unë as kamarierëve nuk ua këshilloj dorezat, as punonjësve të marketeve, larja e shpeshtë e duarve po. Madje as në autobuzë.