LIGJET E BIZNESIT
Një lëvizje e fortë vjen së fundmi nga Parlamenti Europian.
Ky institucion ka miratuar mbrëmjen e djeshme amendamentin e Grupit të Partive Popullore Europiane me 388 vota pro, 280 kundër dhe 19 abstenime.
Ky akt do të thotë që Shqipëria tashmë duhet të përballet dhe me 15 kushte të tjera që duhet ti plotësojë, përpara se të happen negociatat me Bashkimin Europian.
Sipas deklaratës së PPE-së theksohet se 15 kushtet e caktuara nga Këshilli i Bashkimit Europian që Shqipëria duhet të ketë përmbushur përpara thirrjes Konferencës Ndërqeveritare të parë me shtetet anëtare.
Amendamenti 42 i prezantuar nga eurodeputetja Kinga Gal e Partisë Popullore Europiane, ka të bëjë me kushtëzimin për procesin e hapjes së negociatave të anëtarësimit të Shqipërisë në Bashkimin Europian.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në këtë amendament thuhet :
“ Rekomandimi i Parlamentit Europian për Këshillin e ministrave, Komisionin Europian dhe zëvendëspresidentit të tij nënvizon 15 kushtet e vendosura nga Këshilli i ministrave, që Shqipëria duhet të përmbushë para zhvillimit të konferencës së parë ndërqeveritare me shtetet anëtare të Bashkimit Europian”.
Parlamenti Europian bashkohet kështu tërësisht me 27 shtetet anëtare të Bashkimit Europian.
Po në këtë rezolutë theksohet, se dështimi i Këshillit Evropian për të hapur negociatat e anëtarësimit me Shqipërinë dhe Maqedoninë e Veriut, në qershor të vitit 2018, qershor të 2019 dhe tetor të 2019 ka patur një efekt të dëmshëm për zgjerimin.
