Vijojnë të dalin detaje nga ngjarja e rëndë që tronditi mbrëmë pas mesnate Vlorën.
Mësohet se sherri mes dy të rinjvë në zonën e Pyllit të Sodës nisi pasi vëllai i viktimës, kishte me një grup të rinjsh.
Ndërkohë Aleksandër Petanaj u fut për të mbrojtur vëllain e tij 18-vjeçar, mirëpo 15-vjeçari Gabriel Tartaraj e qëlloi me thikë në zemër.
Më pas 25-vjeçari Petanaj u dërgua në spital menjëherë por nuk ka mundur ti mbijetojë plagëve të marra.
Fatkeqësisht ai humbi jetën 4 orë pas qëndrimit në sallën e operacionit.
Ndërkohë policia ka dalë me një njoftim zyrtar ku ka sqaruar ngjarjen dhe ka bërë me dije se është vënë në pranga autori.
NJOFTIMI ZYRTAR I POLICISE
Më datë 18.06.2020, rreth orës 22:50, në Spitalin Rajonal Vlorë ka shkuar i dëmtuar nga një mjet prerës, shtetasi A. P., 25 vjeç, banues në Vlorë, i cili ka ndërruar jetë pak orë më vonë.
Menjëherë pas ngjarjes, Policia nisi hetimet për zbardhjen dhe dokumentimin e saj dhe falë veprimeve të shpejta, hetimore dhe profesionale u bë identifikimi në kohë rekord, kapja dhe prangosja e autorit, shtetasit G. T., 15 vjeç, banues në Vlorë.
Nga hetimet e kryera dyshohet se ngjarja ka ndodhur në lagjen “24 Maji” Vlorë, pranë vendit të quajtur “Ish-ushqimores”, ku pas një konflikti për motive të dobëta, shtetasi G. T. ka goditur me mjet prerës (thikë) shtetasin A. P., i cili ndërroi jetë rreth 4 orë më vonë në ambientet e spitalit.
Grupi hetimor po kryen veprimet e mëtejshme në lidhje me ngjarjen e ndodhur.
