LIGJET E BIZNESIT
Prej ditësh tashmë, kryeministri Rama ka hedhur për diskutim në opinionin publik premtimin për heqjen e tatim fitimit për biznesin e vogël. Një lehtësi fiskale që ka një peshë thuajse të papërfillshme për buxhetin e shtetit me vetëm 400 milionë lekë të ardhura vjetore. Por që në një vit elektoral, si ai 2021, kur Rama ka premtuar se do ta heqë taksën, impakti populist është i madh.
Por ish Drejtori i Përgjithshëm i Tatimeve, Artur Papajani rendit për Fast Neës Albania rreziqet që I kanosen sistemit tatimor, por edhe buxhetit të shtetit dhe ekonomisë nga një nismë e tillë. “Cënohet baza e tatueshme. Janë rreth 90 mijë biznese aktive në fashën nga 0 në 14 milionë lekë. Cënohet konkurrenca e lirë, favorizon me mospagim tatmi rreth 80% e bizneseve. Rrit evazionin pasi bizneset e vogla tentojnë të mos kalojnë pragun.
Nga ana tjetër, bizneset e mëdha do të tentojnë të copëzojnë aktivitetin për të mos paguar tatim fitim. Rrjehdimisht, kjo rrezikon të ardhurat në buxhetin e shtetit. Nisur nga rasti I biznesit të vogël, edhe grupe të tjera interesi do të kërkojnë të lehtësohen pse të lirohen nga taksimi. Gjithashtu, ky premtim rrezikon që të lindin taksa e tarifa të reja ose të fshehura zëvendësuese, si dhe të rritet tatimi për grupe të tjera interesi”, analizon Papajani.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
